Текст
Мектепалды «Аққулар» тобында «Тілге бойлау» пилоттық жобасын іске асыру аясында қазақтың ұлттық ойыны – «Айгөлек» ойыны ойнатылды.
Бұл ойын балалардың тілдік қорын дамытуға, ауызекі сөйлеу дағдыларын жетілдіруге, сондай-ақ ұлттық мәдениетпен жақын танысуына ықпал етеді. Ойын барысында бүлдіршіндер бір-бірімен белсенді қарым-қатынас жасап, командалық рухты сезініп, ойынның ерекше атмосферасын сезінді.
«Айгөлек» – тек қана қызықты ойын емес, сонымен қатар балалардың қимыл-қозғалысын дамытуға, олардың ептілігі мен шапшаңдығын арттыруға бағытталған тамаша ұлттық дәстүр. Осындай ойындар арқылы өскелең ұрпақ қазақ халқының бай мұрасын тереңірек танып, оны бойына сіңіреді.