«Конституция негіздері»

Қазақстан Республикасы Конституциясына енгізілген өзгерістер мен толықтырулардың күшіне енуіне орай «Бөбектер» ортаңғы тобында «Конституция негіздері» тақырыбында танымдық іс-шара өткізілді.
Іс-шараның мақсаты – тәрбиеленушілердің Отанға деген сүйіспеншілігін арттыру, мемлекеттік рәміздерді құрметтеуге тәрбиелеу және Конституцияның еліміздің басты Заңы екендігі туралы жас ерекшеліктеріне сай қарапайым түсінік қалыптастыру.
Іс-шара барысында балалар Қазақстан Республикасының Туы, Елтаңбасы және Әнұранымен танысты. Алған білімдерін бекіту мақсатында тәрбиеленушілер Мемлекеттік Ту тақырыбында шығармашылық жұмыс орындап, жапсыру жұмысын жасады.