«Біртұтас тәрбие» бағдарламасын жүзеге асыру барысында мектепалды "Арай" тобында 22-наурыз мерекесі қарсаңында "Наурыз Думан" атты спорттық іс-шара өткізілді. Іс-шараның негізгі мақсаты – ұлттық дәстүрлерді дәріптеу, балалардың дене белсенділігін арттыру және ата-аналармен ынтымақтастықты нығайту болды.
Сайысқа ата-аналар мен балалар белсене қатысып, түрлі ұлттық ойындар мен эстафеталарда өз күштерін сынады. Шара барысында "Бәйге", "Қой көтеру", "Асық ату" сияқты қазақтың дәстүрлі ойындары ойнатылып, қатысушылар үлкен қызығушылықпен атсалысты. Балалар өздерінің жылдамдықтарын, ептіліктерін және командада жұмыс істеу дағдыларын көрсетті.
Мерекелік іс-шара соңында белсенді қатысушылар марапатталды. "Наурыз Думан" сайысы балалар мен ата-аналарға көтеріңкі көңіл-күй сыйлап, ұлттық мерекенің мәні мен маңызын терең түсінуге ықпал етті.