Бастауыш мектеп пен балабақша арасындағы сабақтастықты қамтамасыз ету жоспары аясында мектепалды «Арай» тобының тәрбиешілері Атбасар қаласында № 7 жалпы орта білім беретін мектепке барды.

Іс-шара мектепке дейінгі ұйымдар мен бастауыш мектеп арасындағы өзара ынтымақтастық жоспарына сәйкес өткізілді. Бұл жоспар балалардың бірінші сыныпқа бейімделуін жеңілдетуге бағытталған. Жоспар аясында педагогтардың өзара тәжірибе алмасуын, бірлескен іс-шаралар ұйымдастыруды, сондай-ақ балаларды мектепке дайындауға қажетті оқу-әдістемелік құралдармен қамтамасыз етуді көздейтін кешенді жұмыстар қарастырылған.